Futbolçuları daşıyan qayıq batdı - 30 nəfər itkin düşdü

Uqandanın qərbində Albert gölündə yerli futbol komandasının oyunçularını və azarkeşlərini daşıyan qayıq batıb.

“RİA Novosti” xəbər verir ki, 50 nəfəri daşıyan qayığın batması nəticəsində azı 30 nəfər itkin düşüb.

Məlumata əsasən, qayıq sahildən 300 metr aralaşdıqdan sonra batıb. Hadisəyə səbəb qayıqda həddindən artıq çox insanın olması ola bilər.

Qeyd edilir ki, iki nəfərin cəsədi hadisədən dərhal sonra aşkar edilib, 20 nəfər xilas edilib.