27 
May
2019
09:20
79
161
3895
Virtual karabakh

Tramp İranla danışıqlara hazırdır

27 May, 2019
09:20
3895

Tramp İranla danışıqlara hazırdır

Bizim WhatsApp kanalımıza buradan abunə ola bilərsiniz

ABŞ Prezidenti Donald Tramp İranın Birləşmiş Ştatlarla danışıqlara başlamaq istəyini bildirəcəyi təqdirdə, bu təklifi müsbət qarşılayacağını bəyan edib.

CGTN agentliyinin məlumatına görə, belə bir bəyanatı Tramp Yaponiya Baş naziri Sindzo Abe ilə keçirdiyi görüşdən sonra bildirib.

“Heç kim qorxulu şeylərin baş verməsini istəmir”, - deyən Ağ Ev rəhbəri Tehranın da gərginliyi danışıqlar yolu ilə aradan qaldırmaq istədiyini dilə gətirib.

Qeyd edək ki, son bir ay ərzində ABŞ-la İran arasında münasibətlər xeyli gərginləşib. ABŞ hökuməti İranın aparıcı iqtisadi sahələrinə qarşı sanksiyalar tətbiq edib və sanksiya təzyiqlərini davam etdirir.

ABŞ həm də bu yaxınlarda İranın İnqilab Keşikçilər Korpusunu terrorçu qruplaşmaların siyahısına əlavə edib. Tehran buna “güzgü” ölçülərlə cavab verərək, ABŞ silahlı qüvvələri mərkəzi komandanlığını terrorçu qruplaşma, ABŞ-ı isə terrora sponsorluq edən dövlət elan edib.

Bizimlə əlaqə saxlayın

Digər Dünya xəbərləri