“Ural Hava Yolları”ndan ərazi bütövlüyümüzə qarşı təxribat - FOTO

Rusiyanın “Ural Hava Yolları” şirkətinin rəsmi mətbuat orqanı olan “UAM” jurnalında Azərbaycan Respublikasının ərazi bütövlüyünə qarşı təxribata yol verilib.

“Report” xəbər verir ki, jurnal öz səhifəsində “Günəşli Ermənistana vertolyot turları” adlı reklam yerləşdirib. Reklamda Dağlıq Qarabağ Ermənistan ərasizi kimi göstərilməklə yanaşı, həm də işğal edilmiş ərazilərə vertolyot turlarının təşkili qeyd edilib.

Qeyd edək ki, “Ural Hava Yolları” şirkəti Azərbaycanla da yaxından əməkdaşlıq edir, Bakı, Gəncə və Lənkərana müntəzəm hava uçuşları həyata keçirir.