22 
İyn
2019
00:43
295
128
8279
Virtual karabakh

Putindən aviaşirkətlərə qadağa - Gürcüstana sərnişin aparmayın

22 İyn, 2019
00:43
8279

Putindən aviaşirkətlərə qadağa - Gürcüstana sərnişin aparmayın

Bizim WhatsApp kanalımıza buradan abunə ola bilərsiniz

Rusiya Federasiyasının Prezidenti Vladimir Putin ölkənin hava şirkətlərinə Gürcüstana sərnişin daşımalarının qadağan edilməsi barədə fərman imzalayıb.

Prezident sərnişindaşımanın dayandırılmasını nəzərə alaraq, Nazirlər Kabinetinə Gürcüstanda olan ölkə vətəndaşlarının Rusiyaya qayıdışına kömək etməyi tapşırıb.

Bundan başqa, turizm operatorlarına və agentliklərinə qadağanın qüvvədə olduğu müddətdə turistləri Rusiyadan Gürcüstan ərazisinə daşımamaq tövsiyə edilir.

Qeyd edək ki, Parlamentlərarası Pravoslavlıq Assambleyasında Rusiya Kommunist Partiyasının nümayəndəsi Sergey Qavrilovun Azərbaycanda səfərdə olan spiker İrakli Kobaxidzenin yerində oturması parlamentdə gürcü deputatların etirazına səbəb olub. Onlar, ümumiyyətlə, rusiyalı nümayəndə heyətinin Tbilisidə olmasına etiraz ediblər. Gürcüstanın hakim “Gürcü arzusu – demokratik Gürcüstan” partiyasının liderləri baş verənləri “protokol səhvi” adlandırsa da, müxalifət bununla razılaşmayıb.

Parlamentin qarşısına toplaşan nümayişçilər İ.Kobaxidzenin istefasını tələb ediblər.

Gürcüstan Səhiyyə Nazirliyinin son məlumatına görə, parlamentin binası qarşısında yaranan qarşıdurma zamanı 240 nəfər xəsarət alıb.

Gürcüstan DİN-in məlumatına əsasən, cümə axşamı və cümə günü aksiyalarda iştirak etmiş 300 nəfərdən çox insan saxlanılıb.

Bizimlə əlaqə saxlayın

Digər Dünya xəbərləri