Ən hündür əkiz qüllələrin memarı öldü

Kuala-Lumpurda məşhur Petronas Qüllələrini tikən argentinalı 92 yaşlı memar Sezar Pelli dünyasını dəyişib.

Bu barədə “RİA Novosti” Tukuman əyalətinin qubernatoru Huan Mansura istinadən xəbər verir.

Memarın ölüm səbəbi açıqlanmır.

Pelli həmçinin Madriddə şüşəli qülləni, Honkonqda beynəlxalq maliyyə mərkəzini, Nyu-Yorkda ümumdünya maliyyə mərkəzini və digər məşhur binaları ərsəyə gətirib.

Qeyd edək ki, 88 mərtəbəli göydələn olan  Petronas Qüllələri  Asiyada 8-ci ən hündür (1998-2003-cü illərdə isə qitədə. – red.), 1998-ci ildən bəri isə dünyada ən hündür əkiz qüllələrdir.