Pakistanda partlayış: 2 nəfər öldü, 16 yaralı var

Pakistanın Kvetta şəhərində bombanın partlaması nəticəsində azı iki nəfər ölüb, daha 16-sı yaralanıb.

“RİA Novosti” xəbər verir ki, canilər motosikletə bomba yerləşdirərək onu aptekin yanında saxlayıblar.

Partlayış nəticəsində xəsarət alanlar xəstəxanalara yerləşdiriliblər.

Hadisə ilə bağlı istintaq aparılır.

Kvetta – Əfqanıstan sərhədi yaxınlığında yerləşir və Belucistan vilayətinin ən böyük şəhəridir.