Çində zəlzələ olub – ölən və yaralananlar var - YENİLƏNİB

Çinin Veyuan qəzasında (Sıçuanın cənub-qərb əyaləti) 5,4 maqnitudalı zəlzələ nəticəsində bir nəfər ölüb, 29 nəfər müxtəlif dərəcəli xəsarətlər alıb. 

Bu barədə Çinin Mərkəzi Televiziyası xəbər verir.

Məlumata görə, iki yaralının vəziyyəti ağırdır. Yeraltı təkanlar nəticəsində 17 ev dağılıb, 215 ev də zədə alıb.

Hazırda axtarış-xilasetmə əməliyyatı davam edir.

07:13

Çinin Sıçuan əyalətində 5,4 maqnitudalı yeraltı təkanlar qeydə alınıb. 

Bu barədə REN TV Neytsyan əyalətinin Fövqəladə İşlər İdarəsinə istinadən xəbər verir.

İlkin məlumatlara görə, səhər saatlarında baş verən zəlzələ nəticəsində 28 nəfər xəsarət alıb.

Onlar mütəxəssislər tərəfindən yoxlanılır.

Bundan əlavə, yer səthinin hərəkəti səbəbindən bəzi binalar çöküb.

Zəlzələnin ocağının 10 km dərinlikdə yerləşdiyi qeyd edilir.

Hazırda kütləvi uçqun yerlərində xilasedicilər işləyir.