Rusiyalı məşqçi pedofillikdə ittiham olunur

Sankt-Peterburqda 52 yaşlı stolüstü tennis üzrə məşqçiyə cinayət işi açılıb. O, azyaşlılara qarşı təcavüzdə təqsirləndirilir.

Bu barədə Sankt-Peterburqun İstintaq komitəsində məlumat verilir.

İstintaqın fikrincə, kişi bu ilin oktyabr və noyabr aylarında 8 və 10 yaşlı iki qız uşağına qarşı seksual xarakterli hərəkətlər edib.

Hazırda işlə bağlı istintaq davam edir. Təqsirləndirilən şəxsə qarşı həbs qətimkan tədbiri seçilməsi və ittiham edilməsi məsələsi həll edilir.