Koalaların nəsli kəsilə bilər - Avstraliyadakı yanğınların yeni fəsadı

Avstraliyada genişmiqyaslı yanğınlar milyonlarla heyvanın həyatına son qoyub ki, bunların da arasında minlərlə koala olub.

"Metro.co.uk" nəşri bildirir ki, qitəyə çoxdan gözlənilən leysan yağışları yağıb, lakin bu, koalaların ölümünə gətirib çıxacaq daha bir amil oldu.

Belə ki, adətən kisəlilər suyu yarpaqlardan alırlar. Lakin uzun sürən yanğınlardan sonra bitki çatışmazlığı yarandığı üçün, heyvanlar adət etdikləri yaşayış yerlərini tərk etməyə məcbur olurlar. Əksər koalalar insanlar yaşayan ərazilərə gəlir və yola çıxırlar.

Bəziləri suyu birbaşa asfaltdan yalayaraq özlərini təhlükə altında qoyurlar. Belə ki, bu zaman onları tez-tez maşın vurur. Bundan əlavə, koalalara itlər də hücum edirlər, onlarda xəstəliklər yaranır, eləcə də kisəlilər stress yaşayırlar.