Mobil telefon 11 yaşlı azyaşlının əlində partladı

Rusiyanın Volqoqrad şəhərində mobil telefonun partlaması nəticəsində 11 yaşlı məktəbli  ağır xəsarət alaraq xəstəxanaya yerləşdirilib.

Bununla bağlı “RİA Novosti” Rusiya Daxili İşlər Nazirliyinin Volqoqrad vilayəti üzrə Baş İdarəsinin Mətbuat Xidmətinə istinadən xəbər yayıb.

İdarədən verilən məlumata əsasən, azyaşlı mobil telefonu şalvarının cibinə qoyub. Bir müddət sonra isə cibində gəzdirdiyi mobil telefonun qızdığını hiss edib. 

Telefonu cibindən çıxaran zaman isə partlayış baş verib və 11 yaşlı oğlan əl nahiyəsindən ciddi xəsarət alıb.