Avropaya getmək istəyən suriyalılar Türkiyə sərhədinə yığılır - FOTO

Suriyanın İdlib şəhərində baş verən son hadisələrdən sonra Türkiyə suriyalı qaçqınlar üçün Avropa sərhədlərini açıb.

“Anadolu” xəbər agentliyinin yaydığı məlumata görə, suriyalı qaçqınlar Yunanıstana getmək üçün sərhəddə axın ediblər.

Arasında uşaqlar və qadınların da olduğu suriyalılar Ədirnə şəhərinə gələrək, sərhəd kəndlərində ucsuz-bucaqsız növbə yaradıblar.

Onlar sərhədi qrup şəklində pul yığaraq aldıqları qayıqlarla keçəcəklərini deyiblər.