Pekin sakinlərinə istehlak xərcləri üçün 1,7 milyard dollarlıq vauçer veriləcək
Pekin sakinlərinə istehlak xərcləri üçün 1,7 milyard dollarlıq vauçer veriləcək
Pekin səlahiyyətliləri yerli sakinlərə istehlakı stimullaşdırmaq üçün vauçerlər paylayacaq.
MK xəbər verir ki, bunun üçün təxminən 1,71 milyard dollar (12,2 milyard yuan) vəsait ayrılıb.
Tədbir istehlak xərclərini canlandırmaq üçün bu gün başlanan “İstehlak mövsümü” proqramının bir hissəsini təşkil edir.
Çeklər Çin onlayn ticarət platforması vasitəsilə paylanılır. Paytaxt sakinləri mağazalarda, eləcə də internetdə təhsil, turizm, mədəniyyət, idman, qida və digər sahələrdə kuponlardan istifadə edə biləcəklər. Kuponlar yalnız 14 gün ərzində etibarlı olacaq.
Vauçerlər 6, 13, 20 və 27 iyun tarixlərində paylanılacaq. Pekinin ticarət rəhbəri Yan Liqan bildirib ki, bu proqram koronavirusun yayılmasından sonra ticarəti canlandırmağa kömək edəcək, eyni zamanda istehlakçı inamını artıracaq.