Rusiyada 240 kiloqram yük daşıya bilən PUA hazırlandı

Rusiyada 200 kiloqramdan artıq yüklə 300 kilometrə qədər məsafəyə uçmaq qabiliyyətinə sahib pilotsuz uçuş aparatı (PUA) yaradılıb.

Bu barədə “RİA Novosti”yə BRAERON layihəsinin rəhbəri Dmitri Arsentyev danışıb.

Onun sözlərinə görə, aparılan sınaqlar PUA-nın logistika və poçt çatdırılmaları üçün əlverişli olduğunu ortaya qoyub.

Aparat -40 dərəcədən +40 dərəcəyə qədər temperaturda çalışır, maksimal yükgötürmə qabiliyyəti 240 kiloqramdır.