İspaniyada 30 mindən çox əhalisi olan şəhər epidemioloji vəziyyətlə bağlı təcrid olunacaq

İspaniyada Aranda de-Duero şəhəri 7 avqust tarixindən etibarən ağırlaşan epidemioloji vəziyyətlə bağlı tam təcrid olunacaq.

Bu barədə EFE agentliyi məlumat verib.

Məhkəmə təxminən 32 min insanın yaşadığı şəhərin təcrid olunması barədə qərar verən regional qurumun müraciətinə müsbət cavab verib.

Qeyd edək ki, son rəqəmlərə əsasən, İspaniyada 352 847 nəfərin COVID-19-a yoluxduğu aşkar edilib. 28 499 xəstə pandemiyanın qurbanı olub.