Fransada bankda beş nəfəri girov götürmüş silahlı şəxs saxlanılıb - YENİLƏNİB
Fransada bankda beş nəfəri girov götürmüş silahlı şəxs saxlanılıb - YENİLƏNİB
Fransanın Havr şəhərində bankda beş nəfəri girov götürmüş silahlı şəxs saxlanılıb.
Terrorçuluqla mübarizə üzrə xüsusi təyinatlı polis bölmələri binada olan bütün bank işçilərini azad edib.
Qeyd edək ki, Fransanın “RTL” radiosu cinayətkarın bəzi tələblər irəli sürdüyü barədə xəbər verib. Belə ki, o, “İsrail həbsxanalarında qanunsuz olaraq həbs edilən fələstinli uşaqların sərbəst buraxılmasını” və 40 yaşdan kiçik fələstinlilərin Qüdsdəki Əl-Əqsa məscidinin qarşısındakı xüsusi mühafizə olunan əraziyə girişinin təmin olunmasını tələb edib.
O, ərazidən qaçmaq üçün bir motosiklet də tələb edib.
22:08
Fransanın Havr şəhərində silahlı şəxs bankda beş nəfəri girov götürüb.
“RİA Novosti” xəbər verir ki, bu barədə “Figaro” nəşri məlumat yayıb.
Məlumata görə, silahlı bir neçə tələb irəli sürüb. Tələblərin təfərrüatları hələlik açıqlanmır.
Bank binası mühasirəyə alınıb, hadisə yerinə terrorçuluqla mübarizə üzrə xüsusi təyinatlı polis bölmələri gəlib. Hazırda polis həmin şəxslə danışıqlar aparır.