18 
Okt
2020
09:46
1236
59
4592
Virtual karabakh

Tramp yanlışlıqla Makronu baş nazir adlandırdı

ABŞ Prezidenti Donald Tramp Fransa Prezidenti Emmanuel Makronu baş nazir adlandırıb.

TASS xəbər verir ki, o, Miçiqan ştatında çıxışı zamanı Fransa liderinin vəzifəsini düzgün səsləndirməyib:

“Mən baş nazir olan Makronu çox sevirəm, amma bir dəfə ondan razılıqla bağlı vəziyyətin nə yerdə olduğunu soruşdum. Razılıqla bağlı işlər o qədər də yaxşı deyil”, - deyə ABŞ lideri İqlimə dair Paris razılaşması barədə danışarkən deyib.

Hazırda Fransada baş nazir postunu Jan Kasteks tutur. Onu bu vəzifəyə Emmanuel Makron özü təyin edib.

Qeyd edilir ki, 2017-ci ilin avqustunda ABŞ İqlimə dair Paris razılaşmasından çıxıb. Razılıq 2015-ci ildə imzalanıb və inkişaf etməkdə olan ölkələrə iqlim problemlərinin həlli üçün 100 milyard dollar ayrılmasını nəzərdə tutur.

Bizimlə əlaqə saxlayın

Digər Dünya xəbərləri