Trampın oğlu ifadə vermək üçün prokurorluğa çağırılıb

Kolumbiya dairəsinin Baş Prokurorluğu ABŞ prezidentinin oğlu - kiçik Donald Trampın dindirilməsinə hazırlaşır. 

Bu barədə “Washington Post” xəbər yayıb.

Baş Prokurorluq Kiçik Trampı 2020-ci ilin yanvarında ona qarşı sürülən iddia ilə bağlı dindirmək istəyir. Sənəddə iddia edilir ki, o, atasının İnauqurasiya Komitəsindən alınan pulu hotel biznesinə xərcləyib.

Prokurorların bildirdiyinə görə, qurum sponsorların bir milyon ABŞ dollarını xərcləyib. Xidmətlərə görə isə əlavə 50 min dollar ödənilib.

Nəşr vurğulayır ki, İnauqurasiya Komitəsi vergilərdən azad qeyri-kommersiya təşkilatıdır. 

Prezidentin oğlu və “Trump Organization” bununla bağlı “Washington Post”un sorğularını cavablandırmayıb.