17 
Yan
2021
20:25
421
75
5942
Virtual karabakh

Gürcüstan - Rusiya avtomagistralında 10 kilometr uzunluğunda tıxac - FOTO

17 Yan, 2021
20:25
5942

Gürcüstan - Rusiya avtomagistralında 10 kilometr uzunluğunda tıxac - FOTO

Bizim WhatsApp kanalımıza buradan abunə ola bilərsiniz

Gürcüstandan Rusiyaya gedən yeganə avtomobil yolu - Mtsxeta-Stepantsminda-Lars 4 gündür bütün növ avtomobillərin hərəkəti üçün bağlıdır. Magistralda uzunluğu 10 kilometrə çatan tıxac yaranıb.

AZƏRTAC xəbər verir ki, yolun bağlanmasına güclü qarın yağması, yolların buz bağlaması və dağlıq ərazilərdə yaranan qar uçqunu səbəb olub.

Hazırda magistralda Azərbaycan, Gürcüstan, Ukrayna, İran, Rusiya, Türkiyə və Ermənistana məxsus çoxlu sayda yük avtomobili dayanıb.

Gürcüstan polisi və yol departamentinin işçiləri yolun qardan təmizlənməsinə başlayıb. Lakin intensiv yağan qar işləri daha da çətinləşdirib.

Kazbeqi rayonunun meri Aleksandr Zaqaşvili deyib ki, hazırda yolda dayanan avtomobillərin sürücülərinin ciddi problemləri yoxdur. Onlar lazımi ərzaq və müvəqqəti sığınacaqla təmin olunublar.

Sürücülər isə bildirirlər ki, vəziyyətin belə davam edəcəyi təqdirdə, onlar tezliklə ciddi problemlərlə üzləşəcəklər.

Gürcüstanın Ətraf Mühit üzrə Milli Agentliyi isə yanvarın 18-dən 21-dək ölkə ərazisində hava şəraitinin kəskin dəyişəcəyi, Qara dənizdə qasırğa olacağı, temperaturun bir neçə dərəcə aşağı düşəcəyi, güclü qar yağacağı barədə əhaliyə xəbərdarlıq edib.

Bizimlə əlaqə saxlayın

Digər Dünya xəbərləri