Gürcüstan sülhməramlılarını Əfqanıstandan çıxarır
Gürcüstan sülhməramlılarını Əfqanıstandan çıxarır
Gürcüstan sülhməramlılarını Əfqanıstandan çıxarmaqla bağlı həm NATO-da, həm də əsas strateji tərəfdaşı olan ABŞ-la ikitərəfli məsləhətləşmələr aparır.
Bu barədə ölkənin Müdafiə Nazirliyinin açıqlamasında qeyd edilir.
Gürcüstan bölmələrinin Əfqanıstandan çıxarılması onlarla koordinasiyalı şəkildə həyata keçiriləcək.
Bildirilir ki, Gürcüstan 2004-cü ildən Əfqanıstandakı sülhməramlı missiyada iştirak edir və ittifaqa üzv olmayan ölkələr arasında, həmçinin adambaşına düşən hərbi personal sayına görə birinci ölkədir.
Qeyd edək ki, ABŞ 1 maydan etibarən qoşunlarını Əfqanıstandan çıxarmağa başlayır. Britaniyanın da bütün qoşunlarını Əfqanıstandan çıxaracağı bildirilib.
Xatırladaq ki, NATO-nun Qətiyyətli Dəstək (Resolute Support) missiyası 1 yanvar 2015-ci il tarixindən etibarən Əfqanıstandadır.