Trampı tənqid edən respublikaçı rəhbər vəzifədən uzaqlaşdırıldı

Konqresin aşağı palatasında təmsil olunan respublikaçılar Partiya Konqresmenləri Konfransının rəhbəri Liz Çeyninin vəzifəsindən azad edilməsinə səs veriblər.

Bu barədə “Axios” portalı məlumat yayıb.

Məlumata görə, Çeyni eks-prezident Trampın ötənilki seçkilərin nəticəsini şübhə altına almasını sərt şəkildə tənqid edib.

Bu tənqid ona baha başa gəlib. Xanım Çeyni partiyanın nümayəndələr palatasındakı strukturunda üçüncü ən mühüm vəzifə sayılan postunu itirib.