Moldovaya məxsus təyyarə Moskvada eniş zamanı quyruq hissəsindən zədələndi

“Moldova Air” aviaşirkətinin təyyarəsi Rusiya paytaxtında Domodedova aeroportunda qəzalı eniş edib.

Bu barədə NTV xəbər yayıb.

Məlumata görə, Kişinyov-Moskva reysini həyata keçirən 9U171 güclü külək səbəbindən ancaq ikinci cəhddən sonra eniş edə bilib. Bununla belə hava gəmisinin quyruq hissəsi zədələnib.

Sərnişinlərin hamısı təxliyyə olunub. Zərərçəkənlər barədə məlumat verilməyib.

Hadisənin səbəbləri və təyyarənin texniki vəziyyəti ilə bağlı qiymətləndirmələr aparılır.