ABŞ nüvə silahı saxlanılan aviabazalarının sayını artıracaq

ABŞ 2030-cu ilə qədər nüvə silahlarının yerləşdirildiyi strateji aviasiya bazalarının sayını ikidən beşə çıxarmağı planlaşdırır.

Bu barədə “İnterfaks” məlumat yayıb.

Hazırda ABŞ HHQ-nin “B-52H Stratofortress”, “B-2 Spirit” və “B-1B Lancer” strateji bombardmançıları Maynot, Uaytmen, Barksdeyl, Elsuort və Dayess aviabazalarında yerləşdirilib.

Bunlardan yalnız Maynot və Uaytmendəki aviabazalarda nüvə bombaları və nüvə başlıqlı qanadlı raketlərin saxlandığı anbarlar var. Bu cür aviabazaların sayı həmçinin ABŞ HHQ-nin silahlanmasına “B-21 Raider” strateji bombardmançılarının daxil olması ilə əlaqədar artırılacaq.