Türkiyədə koronavirusla bağlı son vəziyyət

Son 24 saat ərzində Türkiyədə koronavirusdan 71 nəfər vəfat edib.

“Haber Global” ölkənin Səhiyyə Nazirliyinə istinadən bildirir ki, iyunun 16-da yoxlanış məqsədilə götürülən 227 163 testdən 6221-i müsbət çıxıb. Sutka ərzində 4632 nəfərin sağalması və ya karantin müddətinin bitməsi ilə bugünədək virusdan sağalanların ümumi sayı 5 215 654 nəfərə yüksəlib.

Qeyd olunub ki, hazırda Türkiyə xəstəxanalarında COVID-19 diaqnozu ilə yatan ağır xəstələrin sayı 881 nəfərdir.