Belçikada məktəb binası çokdü: Ölənlər, yaralılar və itkin düşənlər var - FOTO

Belçikanın ikinci böyük şəhəri Antverpendə ibtidai məktəb binası çöküb.

“The Brussels Times” yazır ki, hadisə zamanı azı iki nəfər həlak olub.

Faciə binada inşaat işləri aparıldığı zaman baş verib. Səkkiz nəfər ciddi zədə alıb. Bütün zərərçəkənlərin inşaat işçiləri olduğu güman edilir.

Dörd nəfər barədə məlumat yoxdur, itlərlə axtarış-xilasetmə işləri davam edir.