Aralıq dənizi ölkələrini meşə yanğınları bürüyüb - FOTO

Türkiyə Aralıq dənizi və Egey dənizi sahillərində yanğınlarla mübarizəni davam etdirir. Türkiyədən başqa İtaliya, İspaniya və Yunanıstanda da meşə yanğınları davam edir.

“TRT Haber” məlumat verir ki, Yunanıstanda isti hava səbəbi ilə yanğın riski ən yüksək - dördüncü dərəcəyə qalxıb. Ölkədə meşə yanğınları ilə mübarizə aparılır. Axeya bölgəsi və Patradakı meşəlik ərazi yanğının təsiri altındadır.

İtaliyanın Sardiniya adası da alovlara təslim olub. 24 iyuldan başlayan yanğında meşə və əkin sahələri, ümumilikdə 20 min hektar əraziyə ziyan dəyib, 500-dən çox insan təxliyə edilib.

İspaniyanın Jirona şəhərində 25 iyuldan başlayan yanğın 600 hektardan çox ərazini külə çevirib. 168 nəfər təxliyə edilib.