Ukraynada şəhər meri deputatı “suladı” – VİDEO

Ukrayna Ali Radasının deputatı Aleksandr Kaçura Sumı vilayətinə səfəri zamanı Konotop bilrləşmiş ərazi icmasının iclasında iştirak edib.

Ukrayna KİV-də yayılan məlmata əsasən, iclas zamanı millət vəkili Konotop şəhərindəki içməli suyun ketfiyyəti problemindən danışıb və özüylə gətirdiyi su nümunəsinin şəhər meri Artyom Seminixin tərəfindən yoxlanılmasını xahiş edib.

Deputata problemin səbəbləri barəsində əsaslı şəkildə cavab vermək əvəzinə, şəhər meri suyu millət vəkilinin üzərinə töküb.

İşə Kaçuranın mühafizəsi qarışıb və çaxnaşma düşüb.

Semenixinə qarşı isə millət vəkilinin fəaliyyətinə mane olduğu üçün cinayət işi açılıb.