Meksikada onlarla əcnəbi hoteldən qaçırıldı
Meksikada onlarla əcnəbi hoteldən qaçırıldı
Meksikanın mərkəzindəki San Luis-Potosi ştatının Mateuala rayonunda, təxminən, 20 xarici vətəndaş naməlum şəxslər tərəfindən hoteldən qaçırılıb.
Bu barədə ştat prokurorluğu məlumat yayıb.
Şahidlərin sözlərinə görə, Haiti və Venesuela vətəndaşlarının qaçırılması üç avtomobillə hotelə gələn silahlı şəxslər tərəfindən həyata keçirilib.
Hər il lazımi sənədləri olmayan yüz minlərlə miqrant Meksika ərazisindən keçərək ABŞ-a getməyə çalışır. Onlar yolda çox vaxt cinayətkar dəstələrin və ya insan alverçilərinin qurbanı olurlar.
Latın Amerikası dövlətinin başçısı Andres Manuel Lopez Obrador avqustun 29-da hökumətinin miqrasiya axınlarını dayandırmağa davam edəcəyini açıqlayıb. O qeyd edib ki, insanları ölkələrini tərk etməyə məcbur edən problemləri həll etmək lazımdır.
Mənbə: TASS