“Forbes” Rusiya varlılarını açıqladı: Vahid Ələkbərov ilk beşlikdədir

“Forbes” jurnalı aktiv satışlarından və ya dividendlərdən əldə etdikləri gəlirə görə 2020-ci ildə ən çox qazanan Rusiya milyarderlərini beşinci dəfə sıralayıb.

Reytinqə “Severstal”ın əsas sahibi Aleksey Mordaşov başçılıq edir - qəzetin yazdığına görə, Mordaşov və ailəsinin gəlirləri keçən il təxminən 25 % artaraq 1,7 milyard dollara çatıb.

Reytinqdə üçlükdə ardıcıl olaraq, gəliri 1,48 milyard dollar olan NLMK qrupunun idarə heyətinin sədri və əsas səhmdarı Vladimir Lisin və 1,43 milyard dollar gəlirlərlə “USM Holdings”in rəhbəri Alişer Usmanov yer tutub.

İlk beşliyi “Lukoil” şirkətinin rəhbəri Vahid Ələkbərov (1,14 milyard dollar) və senator Süleyman Kərimov və ailəsi (922 milyon dollar) tamamlayıb.

2020-ci ildə Rusiyada ən çox gəliri olan milyarderlər siyahısında növbəti sırada gəlirləri 897 milyon dollar olaraq qiymətləndirilən “Norinikel” mədən-metallurgiya şirkətinin rəhbəri Vladimir Potanin, Andrey Skoç və ailəsi (875 milyon dollar), Viktor Raşnikov (828 milyon dollar), Gennadi Timçenko (788 milyon dollar), Roman Abramoviç (645 milyon dollar) gəlir.