26 
Sen
2021
09:15
106
45
1109
Virtual karabakh

QUAD ölkələrinin koronavirusa qarşı bir milyard peyvənd planı açıqlanıb

Dördtərəfli Təhlükəsizlik Dialoqunun (QUAD) iştirakçısı olan ölkələrin (Yaponiya, ABŞ, Hindistan və Avstraliya) liderləri Vaşinqtonda keçirilən sammitdə 2022-ci ilə qədər bir milyard COVID peyvəndi istehsal etmək məqsədlərini bir daha təsdiqləyib.

“COVAX vasitəsi ilə maliyyələşdirilən dozalara əlavə olaraq Avstraliya, Hindistan, Yaponiya və ABŞ dünya miqyasında 1,2 milyard dozadan çox təhlükəsiz və təsirli COVID-19 peyvəndi bağışlamağı vəd edib. Bu günə qədər bu öhdəliyin bir hissəsi olaraq Hind-Sakit Okeana 79 milyona yaxın təhlükəsiz, təsirli və keyfiyyətli peyvənd dozası çatdırdıq...” - deyə Hindistan Xarici İşlər Nazirliyinin saytında dərc edilmiş bəyanatda deyilir.

QUAD ölkələri Hindistanın 2021-ci ilin oktyabr ayından başlayaraq COVAX mexanizmi çərçivəsində təhlükəsiz və təsirli COVID-19 peyvəndi ixracını bərpa etməsini alqışlayıb.

Bəyanatda həmçinin bildirilib ki, Yaponiya 3,3 milyard dollarlıq COVID-19 təcili krediti ilə regional tərəfdaşlarına peyvənd alqı-satqısı yardımını davam etdirəcək.

“Avstraliya Cənub-Şərqi Asiya və Sakit okean üçün peyvəndlərin alınması üçün 212 milyon dollarlıq qrant ayıracaq. Bundan əlavə, Avstraliya “son mil” peyvəndi yerləşdirilməsini dəstəkləmək və “dördlüyün” bu bölgələrdə “son mil” peyvəndi çatdırmaq səylərinin koordinasiyasını dəstəkləmək üçün 219 milyon dollar ayıracaq”, - deyə QUAD liderləri vurğulayıblar.

Mənbə: “RİA Novosti”

Bizimlə əlaqə saxlayın

Digər Dünya xəbərləri