İraq parlamentində 97 qadın deputat təmsil olunacaq

İraqda keçirilən növbədənkənar parlament seçkiləri çox sayda qadın namizədin qələbəsilə əlamətdar olub.

Belə ki, qanunverici orqandakı 329 yer uğrunda mübarizə aparan 951 xanım namizəddən 97-si istəyinə nail ola bilib.

Bu barədə İraq hökuməti katibliyinin qadın hüquqlarının genişləndirilməsi departamentinin rəhbəri Yusra Kərim Möhsün məlumat verib. Onun sözlərinə görə, orta hesabla seçkilərdə namizədliyini irəli sürmüş hər on qadından biri Məclisdə yer qazanmağa müvəffəq olub ki, bu da müsəlman ölkəsi üçün böyük uğur sayıla bilər.

Mənbə: INA