Sevgilisini boğduqdan sonra valideynlərindən üzr istəyib, intihar etdi - FOTO

Rusiyada 30 yaşlı gənc 18 yaşlı sevgilisini boğduqdan sonra onun valideynlərindən üzr istəyib, yaxınları ilə vidalaşıb və iş yerində intihar edib.

Faciəli hadisəyə səbəb qızın etirafları olub. Belə ki, oktyabrın 19-da sevgilisinin əsgərlikdən gələcəyini və bundan sonra evlənəcəklərini deyib.

Son bir ildə görüşdüyü qızın bu etirafı gənc üçün zərbə olub. Onlar dava ediblər və münaqişə zamanı kişi sevgilisini boğub.

Mərhumun sinif yoldaşı dostunun həmişə ən güclü olduğunu, yarışlarda birinci yerləri tutduğunu deyib.

“Təbiətcə özünəqapanıq biri idi, eyni zamanda tez əsəbiləşən idi”, deyə o, bildirib.

Qətllə bağlı cinayət işi açılıb, lakin şübhəlinin ölümü səbəbindən bağlanılacaq.