Co Bayden tətilə yollanıb

ABŞ prezidenti Co Bayden 5 günlük kiçik tətil üçün Massaçusetsə yola düşüb.

Bu barədə Ağ Ev məlumat yayıb.

Məlumata görə, dövlət başçısı artıq dəbdəbəli Nantaket kurort adasındadır.

Baydenin cədvəlinə görə, həftənin sonuna qədər heç bir ictimai tədbir yoxdur, noyabrın 25-də isə ABŞ-da milli bayram olan Şükranlıq Gününü qeyd edəcək. Bir çox amerikalılar bu vaxtı qohumları ilə keçirmək üçün bayramdan əvvəl və sonra tətil götürürlər.

Ağ Evdə keçirilən brifinqdə prezidentin mətbuat katibi Cen Psakidən inflyasiyanın Şükranlıq Günü süfrələrini bahalaşdırdığı bir dövrdə dövlət başçısının “milyarder” tətili barədə soruşulub.

“İndi siyasəti bir kənara qoymağın, sevdiklərimizlə vaxt keçirməyin və nəyə görə minnətdar olduğumuzu danışmağın vaxtıdır... Prezident harada olur-olsun, işləyəcək”, - Psaki bildirib.

Mənbə: RİA Novosti