Britaniyalı deputat südəmər oğlu ilə işə gəlmək hüququ tələb edir - FOTO
Britaniyalı deputat südəmər oğlu ilə işə gəlmək hüququ tələb edir - FOTO
Böyük Britaniyanın Leyboristlər Partiyasından olan deputat Stella Kreysi İcmalar Palatasının gənc deputatların körpə uşaqlarla iclaslara gəlməsini qadağan edən yeni qaydalarını demokratiya üçün məhvedici adlandırıb.
“Görünür, bütün dünya parlamentlərinin anası olan bir palatada analar görünməz və eşidilməz olmalıdır” - deyə o, “Twitter” səhifəsində yazıb.
Kreysi əvvəllər də südəmər qızını, indi isə üç aylıq oğlunu işə gətirdiyini və bunun heç vaxt problem olmadığını deyib. Lakin çərşənbə axşamı körpə ilə qatıldığı son görüşdən sonra ona məlumat verilib ki, körpə ilə Vestminsterdə debata qatılmaq qaydaların pozulmasıdır.
İcmalar Palatasının spikeri ser Lindsi Hoyl prosedur komitəsindən araşdırma aparmağı xahiş edib. O, deputatlara bildirib ki, valideynlərin palatanın işində tam iştirak edə bilməsi son dərəcə vacibdir.
Apparently Parliament has written a rule which means I can’t take my well behaved, 3-month old, sleeping baby when I speak in chamber. (Still no rule on wearing masks btw).
— stellacreasy (@stellacreasy) November 23, 2021
Mothers in the mother of all parliament are not to be seen or heard it seems….#21stCenturyCalling pic.twitter.com/rKB7WbYQrL
Mənbə: BBC