Braziliya prezidenti qarın ağrısı şikayəti ilə xəstəxanaya yerləşdirilib

Braziliya prezidenti Jair Bolsonaro qarın ağrısı şikayəti ilə bazar ertəsi San-Pauludakı özəl klinikaya aparılıb.

Bu barədə Braziliya dövlət başçısının mətbuat xidməti məlumat yayıb.

“Prezident Jair Bolsonaro qarın nahiyəsində narahatlıq səbəbilə müayinə olunmaq üçün bazar ertəsi gecə San-Pauludakı “Vila Nova Star” klinikasına aparılıb”, - məlumatda qeyd edilir.

Bolsonaronun özünü yaxşı hiss etdiyi bildirilir. Onun səhhəti ilə bağlı əlavə təfərrüatlar barədə məlumat verilməyib.

Mənbə: TASS