Süleyman Soylu: “Türkiyəni terrordan təmizlədik”

Türkiyənin daxili işlər naziri Süleyman Soylu hakim Ədalət və İnkişaf Partiyası gəncləri ilə bir araya gəlib.

Görüş zamanı o, ötən müddət ərzində görülən işlərdən danışıb.

Soylu ölkəni terrordan təmizlədiklərini ifadə edərək bildirib ki, bu işdə onu ən çox motivasiya edən gənclər və uşaqların öz arzularına çatmaq istəyidir.

Ölkə prezidenti Rəcəb Tayyib Ərdoğanın salamlarını gənclərə çatdıran nazir onlarla birlikdə “Suzan Suzi” və “Merdo” türkülərini də ifa edib.

Mənbə: TRT