Ukraynaya görə Dua Günü keçirilə bilər

Roma Papası Fransisk Müqəddəs Pyotr meydanında dindarlar qarşısında ənənəvi bazar nitqi zamanı Ukrayna ətrafında yaranmış vəziyyətlə əlaqədar Sülh Duası Gününün keçirilməsini təklif edib.

Pontifik qeyd edib ki, o, regionda artan gərginliyi böyük narahatlıqla izləyir.

Onun sözlərinə görə, bu gərginlik Ukraynada sülhə yeni zərbə vurmaqla təhdid edir və Avropa qitəsinin təhlükəsizliyini şübhə altına alır.

“Vəziyyəti nəzərə alaraq, yanvarın 26-da Sülh üçün Dua Gününün keçirilməsini təklif edirəm”, - deyə Papa Fransisk bəyan edib.

Mənbə: sputnik.by