27 
Yan
2022
13:04
33
717
10948
Virtual karabakh

Ukraynada əsgərin 10 nəfəri güllələməsinin görüntüləri yayıldı - YENİLƏNİB + VİDEO

27 Yan, 2022
13:04
10948

Ukraynada əsgərin 10 nəfəri güllələməsinin görüntüləri yayıldı - YENİLƏNİB + VİDEO

Bizim WhatsApp kanalımıza buradan abunə ola bilərsiniz

Ukraynada öz silahdaşlarını qətlə yetirən əsgərin hadisəni törətməsini əks etdirən görüntülər yayımlanıb.

Video hərbi hissənin təhlükəsizlik kamerası tərəfindən qeydə alınıb.

Görüntülərdə insidentin hərbi hissənin silah otağında cərəyan etdiyi aydın görünür.

Qeyd edək ki, bu gün gecə saatlarında Ukraynanın Dnepr şəhərində Ukrayna Milli Qvardiyasının 20 yaşlı əsgəri Ryabçuk Artemi Yuryeviç xidməti silahından hərbçi yoldaşlarına atəş açıb.

Nəticədə Ukrayna silahlı qüvvələrinin dörd hərbçisi və bir nəfər mülki işçi olan qadın qətlə yetirilib. Daha beş nəfərin yaralandığı bildirilir.

Hadisəni törədən 20 yaşlı əsgər saxlanılıb.

10:36

Ukraynanın Dnepr şəhərində Ukrayna Milli Qvardiyasının 20 yaşlı əsgəri Ryabçuk Artemi Yuryeviç xidməti silahından hərbçi yoldaşlarına atəş açıb.

Hadisə ötən gecə yerli vaxtla saat 03:40 radələrində (Bakı vaxtı ilə 05:40) baş verib.

Nəticədə Ukrayna silahlı qüvvələrinin dörd hərbçisi və 1 nəfər mülki işçi olan qadın qətlə yetirilib. Daha beş nəfərin yaralandığı bildirilir.

Hadisə ilə əlaqədar Ukraynanın Milli Polis və Milli Qvardiyanın bölmələri xüsusi hazırlıq səviyyəsinə gətirilib.

Törədilən cinayətin motivləri hələlik məlum deyil.

Milli Qvardiyanın komandiri, general-polkovnik Nikolay Balan təcili olaraq hadisə yerinə yola düşüb.

Mənbə: Ukraynanın Daxili İşlər Nazirliyi

Bizimlə əlaqə saxlayın

Digər Dünya xəbərləri