Mar
2022
17:48
24
389
1840
Virtual karabakh

Fransa hökuməti qlobal ərzaq böhranı barədə xəbərdarlıq etdi

9 Mar, 2022
17:48
1840

Fransa hökuməti qlobal ərzaq böhranı barədə xəbərdarlıq etdi

Ukraynadakı vəziyyətlə əlaqədar bu il qlobal ərzaq böhranı başlaya bilər.

“Le Figaro”nun məlumatına görə, bu barədə Fransanın kənd təsərrüfatı və ərzaq naziri Julyen Denormand proqnoz irəli sürüb.

“Bir çox Aralıq dənizi ölkələri (Rusiya və Ukraynadan) buğda ixracından asılıdır. Qarşıdakı 12-18 ayda ərzaq böhranından qaçmalıyıq”, - deyə o bildirib.

Denormand Fransanın Rusiya və ya Ukraynadan buğda idxalından çox az asılı olduğunu vurğulayıb. Eyni zamanda o qeyd edib ki, qeyri-sabit iqtisadi vəziyyət xüsusilə kənd təsərrüfatı heyvanları üçün yemin bahalaşmasına səbəb olacaq.

“Le Figaro”nun məlumatına görə, Qətər, Ruanda, Misir və Qırğızıstan kimi bəzi ölkələr 80 %-dən çox Rusiyadan buğda tədarükündən asılıdır. Türkiyədə bu göstərici 70 faizdir. Livan isə buğdanın 90 %-ni Ukraynadan təmin edirdi.

“Buna görə də Afrikada və Aralıq dənizi ətrafında yerləşən ölkələr Rusiya və Ukrayna ixracatının gedişatını böyük narahatlıqla izləyirlər”, - deyə nəşrdə vurğulanıb.

Bizimlə əlaqə saxlayın

Digər Dünya xəbərləri