Ukraynanın Belorusdakı Baş Konsulluğu bağlanır
Ukraynanın Belorusdakı Baş Konsulluğu bağlanır
Bəzi ukraynalı diplomatlara Belorus respublikasını tərk etmək təklif olunub.
Bu barədə Belarus Xarici İşlər Nazirliyinin mətbuat katibi Anatoli Qlaz bildirib.
O, əlavə edib ki, Ukraynanın Brestdəki Baş Konsulluğunun bağlanması qərara alınıb.
“Ukraynanın Brestdəki Baş Konsulluğunun bağlanması barədə qərar qəbul edilib. Ukrayna səfirliyi Belarusda 1+4 formatında, yəni səfir və 4 əməkdaşı ilə fəaliyyətini davam etdirəcək”, - məlumatda vurğulanıb.
Belarus Xarici İşlər Nazirliyinin mətbuat katibi bildirib ki, Ukrayna diplomatik işçilərinin sayının azaldılması qərarı Ukraynanın xarici nümayəndəliklərinin bir sıra əməkdaşlarının qeyri-diplomatik fəaliyyətini dayandırmaq məqsədi daşıyır. Diplomatik idarələrin əməkdaşları Belarusu 72 saat ərzində tərk etməli olacaqlar.
“Bir daha vurğulayıram ki, ukraynalılar bizim üçün yaxın xalq olublar və bundan sonra da qalacaqlar”, - Anatoli Qlaz deyib. O əlavə edib ki, Belarus Ukraynadakı səfirliyini bağlamaq barədə qərar qəbul etməyib.
Mənbə: BelTA