İranda 10 mərtəbəli bina çökdü: Ölən və yaralananlar var - YENİLƏNİB + VİDEO

İranın Təcili Tibbi Yardım Təşkilatının sözçüsü Müctəba Xalidi bir neçə saat öncə Xuzistan əyalətinin Abadan şəhərində 10 mərtəbəli “Metropol” biznes mərkəzi binasının çökməsi nəticəsində ən azı 4 nəfərin öldüyünü, 25 nəfərin isə yaralandığını bildirib.

O vurğulayıb ki, hadisə nəticəsində yaralananların sayının artacağı ehtimal olunur.

Hazırda binanın çökməsinin səbəblərinin araşdırıldığı qeyd edilib.

14:01

Bu gün İranın Abadan şəhərində “Metropol” biznes mərkəzinin 10 mərtəbəli binası çöküb.

Bu barədə “Azad İran” “Telegram” kanalı xəbər yayıb.

Hələlik hadisə nəticəsində ölən və yaralananlar barədə məlumat yoxdur.

Hadisə yerində xilasetmə briqadaları işləyir.

Yeri gəlmişkən qeyd edək ki, bu gün Sistan və Bəlucistan əyalətinin Sarcanqal məntəqəsi yaxınlığında 5,5 bal gücündə zəlzələ baş verib.