24 
May
2022
12:09
205
25
1705
Virtual karabakh

Moldovanın sabiq prezidenti dövlətə xəyanət ittihamı ilə həbs edildi

24 May, 2022
12:09
1705

Moldovanın sabiq prezidenti dövlətə xəyanət ittihamı ilə həbs edildi

Bizim WhatsApp kanalımıza buradan abunə ola bilərsiniz

Moldovanın sabiq prezidenti İqor Dodon Cinayət Məcəlləsinin dövlətə xəyanət də daxil olmaqla dörd maddəsi ilə açılmış cinayət işi çərçivəsində 72 saatlıq həbs olunub.

Bu barədə jurnalistlərə Baş Prokurorluğun mətbuat katibi Marianna Kerpek məlumat verib.

“İstintaq tədbirləri davam etdirilir. Dodona məxsus evdə və bəzi yerlərdə axtarışlar aparılıb. O, 72 saatlıq saxlanılıb”, - deyə Kerpek bildirib.

İstintaq hərəkətlərini şərh edən Kerpek İnformasiya və Təhlükəsizlik Xidmətinin əməkdaşlarının Korrupsiyaya Qarşı Mübarizə üzrə Prokurorluqla birlikdə Dodonun evində axtarış apardığını deyib.

“Başqa yerlərdə də axtarışlar aparılır. Ümumilikdə 12 obyektdə axtarışlar aparılır. Vasitəçilərə məxsus daşınmaz əmlak araşdırılır. Faktla bağlı araşdırma “Passiv korrupsiya”, “Cinayət təşkilatı olan siyasi partiya tərəfindən maliyyələşdirilmək”, “Qanunsuz varlanma” və “Dövlətə xəyanət” maddələri üzrə başlanmış cinayət işi çərçivəsində aparılır”, - deyə  Kerpek qeyd edib.

Mənbə: İnterfaks

Bizimlə əlaqə saxlayın

Digər Dünya xəbərləri