“Bloomberg” neft embarqosuna görə Rusiyanın itkilərini hesablayıb
“Bloomberg” neft embarqosuna görə Rusiyanın itkilərini hesablayıb
Avropa İttifaqının müzakirə etdiyi neft tədarükünün qismən embarqosu Rusiyanı milyardlarla dollar gəlirdən məhrum edə bilər.
Bu barədə “Bloomberg”in hesablamalarında bildirilir.
Məlumata görə, neftin dəniz yolu ilə tədarükünə qoyulan qadağa Rusiyanın ildə 10 milyard dollardan az gəlir əldə etməsinə səbəb olacaq.
Bildirilir ki, Rusiya şirkətləri bu nefti Asiyaya satmaq məcburiyyətində qalacaqlar. Burada isə “Urals” neftinin bir barreli “Brent” markalı neftlə müqayisədə 34 dollar endirimlə satılır.
“Drujba” neft kəmərinin şimal qolu vasitəsilə Polşa və Almaniyaya tədarükün dayandırılması və bu il “Urals” neftinin orta qiymətinin bir barel üçün 85 dollar olduğu nəzərə alınmaqla daha 12 milyard dollar itki ilə nəticələnəcək.
O da bildirilir ki, Rusiya Macarıstan, Slovakiya və Çexiyaya “Drujba” boru kəmərinin cənub qolları vasitəsilə ixracdan təxminən 6 milyard dollar gəlir əldə etməyə davam edəcək.
Mənbə: Liqa.net