Amerikalı senator ştatda narkotikin benzindən daha sərfəli olduğunu dedi - VİDEO
Amerikalı senator ştatda narkotikin benzindən daha sərfəli olduğunu dedi - VİDEO
Luizianadan olan respublikaçı senator Con Kennedi bildirib ki, onun ştatında benzin o qədər bahadır ki, kokain almaq daha sərfəlidir. O, Prezident Co Baydenin yanacağın bahalaşmasının öhdəsindən gələ bilmədiyini qeyd edib.
“Benzinin qiyməti o qədər yüksəkdir ki, kokain almaq və sadəcə qaçmaq daha ucuz başa gəlir”, - deyə o bildirib.
Hazırda Luizianada benzinin orta pərakəndə satış qiyməti qallon üçün (3,785 litr) 4,495 dollardır (7,64 manat). Eyni zamanda, yanacağın ölkə üzrə orta qiyməti qallon üçün təxminən 4,955 dollardır (8,42 manat).
ABŞ Avtomobil Assosiasiyasının hesablamalarına görə, Prezident Co Baydenin andiçmə mərasimindən bəri ABŞ-da yanacaqdoldurma məntəqələrində benzin iki dəfə bahalaşıb. Təşkilatın məlumatına görə, adi markalı benzinin orta qiyməti tarixi maksimumunu yeniləyib. 2021-ci ilin yanvarında Bayden vəzifəyə gələndə bu rəqəm bir qallon üçün 2,38 dollar (4,04 manat idi) idi.
As only he can, @SenJohnKennedy breaks down the Biden administration's already bad week, explains that "the price of gas is so high that it would be cheaper to buy cocaine and just run everywhere," plus other reasons "President Biden is about as popular right now as a sinkhole." pic.twitter.com/wQVdsIaqqc
— Spencer Brown (@itsSpencerBrown) June 8, 2022
Mənbə: Lenta.ru