Çinli səfir: “Tayvana qarşı güc tətbiqi istisna deyil”

Pekin Tayvanın müstəqillik əldə etmək cəhdləri ilə qarşılaşdıqda hərbi vasitələrdən istifadəni istisna etmir.

Bunu Çinin Fransadakı səfiri Lu Şay “Livre Noir” internet kanalına müsahibəsində deyib.

“Əgər biz ölkəni sülh yolu ilə birləşdirə bilməsək və Tayvan özünü müstəqil elan etsə, onda hansı yol qalacaq?”, deyə diplomat qeyd edib: “Biz Tayvanın müstəqil olmasına icazə verə bilmərik”, - o, əlavə edib.

Aparıcının dəqiqləşdirici sualına isə səfir “O cümlədən hərbi yolla”, - deyərək cavab verib.