Tramp: “Mən prezident olsaydım, bu dəhşətli hadisələr baş verməzdi”

ABŞ-ın keçmiş prezidenti Donald Tramp bildirib ki, Ağ Evin sahibi olaraq qalsaydı, Ukrayna ətrafında vəziyyətin hazırkı inkişafına, eləcə də inflyasiyanın sürətlə artmasına imkan verməzdi.

“Mən bilirəm ki, hazırda ölkəmiz üçün işlər heç də yaxşı getmir: Avropada nəzarətdən çıxan müharibə, ən yüksək səviyyədə inflyasiya, birja üçün ən pis altı ay və indiyə qədərki ən yüksək enerji qiymətləri”, – Tramp “Truth Social” sosial şəbəkəsindəki səhifəsində yazıb.

“Mən prezident olsaydım, bu dəhşətli hadisələrin heç biri baş verməzdi”, - sabiq dövlət başçısı qeyd edib.

Tramp, həmçinin amerikalıları 4 İyul Müstəqillik Günü münasibətilə təbrik edərək deyib ki, o və tərəfdarları Amerikanı yenidən möhtəşəm edəcəklər.