Şri-Lankada iki nəfər yanacaq növbəsində həlak oldu

Şri-Lankada iki nəfər yanacaq növbəsində həlak olub.

Onlardan biri ada dövlətinin qərb əyalətindəki Matuqama kəndindəki izdihamda, digəri isə şərq əyalətindəki Kinnia şəhərində növbə gözləyərkən ölüb.

Qeyd edək ki, iyulun 17-dən etibarən ölkə rəhbərliyi xüsusi QR kodlardan istifadə edərək yanacaq paylama sistemini tətbiq edib.

Şəxsi avtomobil sahiblərinə həftədə yalnız iki dəfə kodun son rəqəmi ilə müəyyən edilən günlərdə yanacaq almağa icazə verilir.

Xatırladaq ki, Şri-Lanka hazırda 1948-ci ildə müstəqillik əldə etdikdən sonra tarixindəki ən dərin iqtisadi böhranı yaşayır.

Mənbə: rossaprimavera.ru