Çin Pelosiyə qarşı sanksiyalara hazırlaşır

Çin hökuməti ABŞ Nümayəndələr Palatasının spikeri Nensi Pelosi və onun yaxın qohumlarına Tayvana “təxribat xarakterli səfər etdiyinə görə” sanksiyalar tətbiq edəcək.

Bu barədə Çin Xarici İşlər Nazirliyinin cümə günü yaydığı məlumatda deyilir.

“Pelosinin çirkin, təxribatçı hərəkəti ilə əlaqədar Pekin ÇXR-in müvafiq qanunlarına uyğun olaraq Pelosi və onun yaxın qohumlarına qarşı sanksiya tədbirləri tətbiq etmək qərarına gəlib”, - deyə qurumun saytında deyilir.

Qeyd edək ki, avqustun 2-də ABŞ Nümayəndələr Palatasının spikeri Nensi Pelosinin Tayvana səfəri Çinlə gərginliyə səbəb olub.

Mənbə: TASS