“Google Chrome”da gizli oyun peyda oldu - FOTO

“Google” hər növ gizli oyunlara olan sevgisi ilə tanınır.

Axtarış nəhəngi Dünya Pişiklər Gününü dördayaqlı dostların iştirak etdiyi əyləncəli mini oyunla qeyd etmək qərarına gəlib.

Onu aktivləşdirmək üçün axtarış sisteminə “cat” sözünü daxil etmək və sağ tərəfdəki pəncərədə narıncı pəncə işarəsinə baxmaq kifayətdir.

İnteraktiv animasiya dördayaqlı heyvanların qoyub getdiyi ləkələnmiş pəncə izlərinin kolleksiyasını yaratmağa imkan verir. Bundan əlavə, oyun miyovlama və mırıltı ilə müşayiət olunur. Ekranı təmizləmək üçün kompüterdə “Escape” düyməsini və ya smartfonda ekranın altındakı “X” düyməsini sıxmaq kifayətdir.

Qeyd edək ki, bu, maksimum xal toplamalı olduğunuz oyunlardan biri deyil. Oyun daha çox stres əleyhinə vasitəyə bənzəyir.

Mənbə: unian.net