ABŞ kəşfiyyatı: Rusiya ordusunun sursatları tükənir, müharibə yeni mərhələyə qədəm qoyur - FOTO
ABŞ kəşfiyyatı: Rusiya ordusunun sursatları tükənir, müharibə yeni mərhələyə qədəm qoyur - FOTO
Rusiya qoşunlarının sursatları tükənir ki, bu da hücum potensialının azalması prosesini sürətləndirir.
Bunu Pentaqonun qapalı brifinqində ABŞ kəşfiyyatının rəsmisi bildirib.
Onun sözlərini ITN telekanalının əməkdaşı Emma Berrous “Twitter”də paylaşıb.
“Bizim sursatların tükəndiyinə dair çoxlu sübutlarımız var, o cümlədən də dərin anbarlardan çıxarılan sursatların”, - ABŞ kəşfiyyatının nümayəndəsi bəyan edib.
O, qeyd edib ki, sursatların miqdarının azalması nəhayət, Rusiyanın hücuma başlamaq qabiliyyətini sarsıtmağa başlayır. ABŞ kəşfiyyatının məlumatına görə, Rusiya indi batalyon taktiki qruplarını birləşdirib və öz qüvvələrini yenidən qurmağa çalışır.
Jurnalistin sözlərinə görə, kəşfiyyat rəsmisi Ukraynadakı müharibənin fərqli mərhələyə keçdiyini, lakin hələ pik həddə çatmadığını vurğulayıb.
“Hər iki tərəf bunun sprint deyil, marafon olduğunu artıq dərk edib”, - deyə kəşfiyyatın nümayəndəsi qeyd edib.
NEW: Western official says falling Russian munition stocks 'ultimately will start to impair Russia's ability to launch offensives.' Says Russia has merged BTGS & is having a 'terrible time trying to reconstitute its forces...this is not a good way to improve combat effectiveness'
— Emma Burrows (@EJ_Burrows) August 19, 2022
Mənbə: unian.net