Rusiya XİN sözçüsü: “Üçtərəfli razılaşmaların məzmununu təhrif etmək istəyənlər var” - VİDEO

Həm sazişin tərəfləri, həm də kənar qüvvələr arasında üçtərəfli razılaşmaların məzmununu təhrif etmək istəyən qüvvələr var.

Bunu Rusiya Xarici İşlər Nazirliyinin sözcüsu Mariya Zaxarova ənənəvi brifinq zamanı news.ru saytının əməkdaşının sualını cavablandırarkən deyib.

“Bu qüvvələr çoxlu vədlər verirlər. Onlar vəd verməyi yaxşı bacarırlar. Halbuki, bu illər ərzində elə də çox iş görməyib və nəticələr əldə etməyiblər. Lakin sözügedən razılaşmalar kağız üzərində qalmayıb və addım-addım, mərhələli şəkildə icra olunur. Düşünürəm ki, işlək mexanizmləri mücərrəd olanlarla dəyişdirmək olmaz”, - deyə Zaxarova qeyd edib.